Најмалку 34 лица загинаа во лизгање на земјиштето предизвикано од обилните поплави во североисточна Индија во текот на изминатите четири дена, соопштија денеска властите, а метеоролошката служба предвидува нови дождови.

Повеќе од илјада туристи заглавени во хималајската држава Сиким беа евакуирани денес, се вели во соопштението на владата и се додава дека спасувачките екипи на армијата се распоредени во државата Мегалаја за да спасат повеќе од 500 луѓе заглавени во поплавените подрачја.

Relentless rains have wreaked havoc across Northeast India, leaving 34 dead and thousands displaced. Assam, Arunachal, Manipur, Mizoram, Tripura & Sikkim are reeling under floods and landslides. IAF rescue ops are underway. #NortheastFloods #IAFRescue #Monsoon2025 #AssamFloods… pic.twitter.com/mwshPSp3a7

— The Daily Jagran (@TheDailyJagran) June 2, 2025

Во соседен Бангладеш, најмалку четири члена на едно семејство загинаа во лизгање на земјиштето во регионот Силхет, во североисточниот дел од земјата, додека стотици засолништа беа отворени во планинските региони Рангамати, Бандарбан и Каграчари вчера, во неделата.

Властите предупредија на понатамошни свлечишта и поплави, апелирајќи до жителите во ранливите подрачја да останат внимателни.

Североисточниот дел на Индија и Бангладеш се подложни на обилни дождови што предизвикуваат смртоносни свлечишта и поплави, погодувајќи милиони луѓе секоја година.

Улиците и куќите во градот Силчар во индиската држава Асам беа поплавени, според визуелниот материјал од новинската агенција АНИ, додека улиците беа исполнети со паднати дрвја.