За време на утринските блокади организирани од студентите и поддржани од граѓани во Белград и Нови Сад, новинарот на Н1 забележа инцидент во кој лица во цивилна облека, кои се претставиле како полицајци, приведуваат млад човек.

Настанот се случил на улицата Краљица Марија во Белград. На видеото што го сними репортерот, се гледа како младиот човек, без да дава отпор, се носи до автомобил од марката „Мицубиши“ без никакви полициски ознаки. Присутните граѓани, вклучувајќи и една жена, се обиделе да интервенираат, барајќи од полицајците во цивил да се легитимираат.

„Апсите дете!“, викала вознемирено жената, обидувајќи се да го одвои момчето од лицата кои го приведувале. Еден од нив ѝ возвратил дека „ја попречува службената должност“ и тврдел дека се идентификувал како полицаец, иако според сведоштвата на момчето – не покажал лична карта.

Кога граѓаните повторно побарале увид во службената легитимација, друг полицаец во цивил физички турнал едно лице што се приближило. Младиот човек, по кратката расправија, е одведен во непознат правец, без дополнително објаснување.

Инцидентот предизвика дополнително незадоволство кај демонстрантите кои го обвинуваат МВР за нетранспарентно и заплашувачко постапување. Засега нема официјално соопштение од Министерството за внатрешни работи во врска со апсењето.

 

View this post on Instagram

 

A post shared by Beograd ostaje❤️ (@beograd_ostaje)

Протестите и блокадите, организирани од студентската иницијатива „Блокада“, продолжуваат низ повеќе градови, како одговор на, како што се наведува, полициската бруталност и игнорирање на барањата за институционална одговорност.