Со свечена воена парада по Вуковарската улица во Загреб, Хрватска денеска ја одбележува 30-годишнината од воено-полициската операција „Бура“, со која се протера српското население од Книн и Книниска Краина во  екот на Татковинската војна во Хрватска во 1995 година.

Церемонијата започнува во 17 часот, откако претседателот на Републиката и врховен воен командант Зоран Милановиќ ќе добие извештај од началникот на Генералштабот на хрватските вооружени сили, генерал полковник Тихомир Кундид, и ќе го одобри почетокот на воената парада со командата „Нека тргне парадата!“.

Dok iščekujemo svečani vojni #MIMOHOD2025, uz povijesne snimke prošlih mimohoda prisjećamo se trenutaka koji pokazuju kako se pobjednička Hrvatska vojska gradila i razvijala u moderne oružane snage.

Svaki mimohod bio je simbol snage #OSRH, ali i zajedništva te ponosa 🇭🇷 naroda… pic.twitter.com/YQGBDqPxDw

— Ivan Anušić (@ivananusic12) July 30, 2025

Воената парада ќе се движи по Вуковарската улица од авенијата Марин Држиќ до улицата Савска. Рутата е долга 2,4 километри. Пешадиската формација ќе се состои од 24 ешалони, а кога сите ќе застанат во своите ешалони, должината на поворката ќе биде околу 1.800 метри.

-Парадата е смотра на достигнувањата во последните 10 години. На крајот на краиштата – тоа е преглед на достигнувањата во последните 30 години. Првата беше во 1995 година, пред операцијата „Бура“, која потоа даде одредена порака за тоа што да се очекува. Ова сега е порака дека Хрватската армија е зрела, созреана, добро опремена, добро обучена, добро вооружена и подготвена да одврати потенцијална агресија“, рече воениот аналитичар Маринко Огорец за ХРТ, нагласувајќи дека ова е нејзината „фундаментална, главна и најважна улога“.

Граѓаните во Хрватска ќе можат да ја следат парадата на Хрватската морнарица преку видео ѕидови, што дополнително ќе го збогати искуството на парадата со прикажување бродови и пловила со различна намена, а воедно ќе ја истакне улогата и можностите на поморските сили во рамките на хрватскиот одбранбен систем.

„Подготвени сме, парадата ќе се одржи во водите на Шолта, помеѓу Шолта и Вис. Ќе учествуваат 13 бродови, односно 9 бродови, 4 големи гумени чамци, околу 210 офицери и морнари на бродот“, изјави капетанот на фрегатата Срѓан Билиќ, командант на парадата на Хрватската морнарица.

Спектакуларна летачка програма ќе се одржи на небото над Загреб, со повеќе од 40 авиони од хрватските воздухопловни сили и Министерството за внатрешни работи, од хеликоптери и авиони до најсовремените повеќенаменски борбени авиони „Рафал“.

Началникот на Управата за логистика на Генералштабот на вооружените сили на Република Хрватска, бригаден генерал Јозо Матковиќ, во гостувањето на ХРТ, ја истакна важноста на денешната воена парада по повод годишнината од воено-полициската операција „Бура“.

„Со оваа парада сакаме да им се заблагодариме на сите хрватски бранители и полицајци кои учествуваа во таа операција, а најмногу им се заблагодаруваме на нашите паднати хрватски бранители, кои ги положија своите животи во темелите на оваа држава Хрватска“, рече генералот Матковиќ.

Тој додаде дека пораката до светот е јасна: Хрватската армија и другите компоненти за безбедност на татковината што учествуваат на парадата се професионални, подготвени и опремени.

Во рамки на парадата, граѓаните ќе имаат можност да видат изложба на ново оружје и модерна воена опрема, како што се беспилотното летало „Бајрактар“, тенкот „Леопард“ и беспилотните летала „FPV“, што ќе го претстави технолошкиот напредок и континуираното зајакнување на одбранбените способности на хрватската армија.

Свечената воена парада ќе содржи и богата културно-уметничка програма.