Илјадници Колумбијци вчера му оддадоа последна почит на сенаторот и претседателски кандидат Мигел Урибе, кој почина еден ден претходно од повредите здобиени во нападот на тинејџер во јуни, објави АФП.

Долги редици се формираа околу парламентот во главниот град, додека илјадници луѓе чекаа на ред да се приближат до ковчегот, обвиткан со колумбиското знаме.

„Во нашата земја, за жал, имаме голем проблем“, преовладувачкото мислење е дека „ако некој размислува поинаку, решението е да биде убиен“, рече Хозе Корвита, графички дизајнер кој чека во редот. „Ова не може да продолжи“, додаде тој.

🇨🇴Las principales ciudades capitales de Colombia celebraron este martes homenajes póstumos al senador y precandidato presidencial Miguel Uribe Turbay, fallecido el lunes, dos meses después de ser gravemente herido en un atentado en Bogotá. pic.twitter.com/RvyOxRmULg

— Canal 44 (@CANAL44TV) August 13, 2025

Ужалената сопругата на Мигел Урибе, Марија Клаудија Таразона, пристигна со својот најмлад син во раце, во придружба на двете ќерки од претходен брак.

За време на воена церемонија, на друго место во Богота, претседателот Густаво Петро нареди минута молчење.

Во својот говор потоа, тој рече дека „меѓународен тим експерти“ ќе помогне во „утврдувањето на причините“ за убиството.

Шестмина осомничени во случајот, вклучувајќи го и 15-годишникот кој го застрела сенаторот, остануваат во притвор.

Колумбиските разузнавачки служби веруваат дека зад убиството стои бунтовничка фракција, дисиденти на поранешниот ФАРК, Сегунда Маркеталија („Втора Маркеталија“, името се однесува на историска битка).

Застрелан кандидатот за претседател на Колумбија Мигел Урибе, во него пукало 15-годишно момче