ВИДЕО | Илиевска од „Поинаку“: На локалните избори во Битола ќе победат граѓаните и идејата, не партијата
Не можеш да бидеш партиски човек и партиски да ги водиш работите ако сакаш градот да оди напред. Оттука и идејата дека во општинските Совети треба да има луѓе кои имаа независни ставови, надвор од влијанијата на партиите, изјави во Утрински брифинг Габриела Илиевска, советничка во општина Битола.
Препорачано
-Мора да почнеме да функционираме поинаку. Самото име „Поинаку“ кажува дека во изминатите 30 години во Битола функционира црно-бел свет и дека не битно кој е на власт одлуките се носеле само со кревање на рака без вклученост на граѓаните. Тоа значи дека одлуките се носеле чисто партиски. „Поинаку“ значи настапување во општините не по агенда на централните политики на партиите. Сведоци сме дека партиите прават програми за локални избори која е иста за сите општини. „Поинаку“ значи дека секој град треба да работи според програма која одговора на проблемите, приоритетите и идеите на граѓаните. Не може да работиме по една програма за цела Македонија, додава Илиевска.
-Независната советничка група „Поинаку“ од Битола упати јавен повик до сите битолчанки и битолчани да се вклучат во изработка на програмата за претстојните локални избори, со што ќе дадат свој придонес пред се во враќање на градот во рацете на граѓаните, вели Илиевска.
Интегралното интервју со советничката Илиевска од „Поинаку“ погледнете го во видеото:
