Ентони Квин Ворнер (63), кој е осомничен за експлозијата за Божик во Нешвил, наводно бил самец кој дигнал ограда околу својата куќа за никој да не може да влезе, тврдат медиумите во САД. Во периодот пред нападот во Нешвил, според пишувањето на „Њујорк пост“, Ворнер дополнително се повлекол во себе, го оградил домот, го внел своето камп возило и затворил врата, велат соседите. Камп-возилото било истото што експлодира во петокот во американската сојузна држава Тенеси, пришто повреди најмалку три лица и оштети 41 зграда.

Се верува дека во експлозијата загина и 63 годишниот Ворнер. Властите соопштија дека со ДНК анализа се утврдило дека остатоците од човечко тело што беа пронајдени на местото на настанот, му припаѓаат нему.

– Никогаш не видов некој да му доаѓа или да заминува од неговата куќа. Никогаш не видов да оди било каде. Колку што знаевме, тој наводно беше компјутерџија што работеше од дома, вели Стив Шмолт, сосед на Ворнер, за весникот „Тенесијан“ и додаде дека неговиот долгогодишен сосед бил „малку чуден“.

Шмолт рече дека никој од соседите не забележал дека камп-возилото го нема во дворот на Ворнер.

– Да бидам искрен, не обрнував внимание. Немаше возила додека ФБИ и АТФ не дојдоа овде, истакна Шмолт.

Ворнер израснал во местото Ентио, во 70-ите години од минатиот век завршил средно училиште и почнал да се заминава со ИТ работи во тоа подрачје. Како што пренесува „Њујорк пост“, во 1978 година тој имал проблеми со законот и бил условно осуден на две години затвор за поседување на дрога.

Тренерот по голф во средното училиште, Чарли Бозман, кој играл со Ворнер, вели дека бил тивок ученик.

– Она на што можам да се сетам во врска со него се три работи – мирен, љубезен и, не сакам да го користам овој израз, но искрено беше како робот, објаснува Бозман.

Ворнер на почетокот на овој месец и соопштил на една локална фирма дека нема повеќе да работи за неа како ИТ консултант, работна позиција на која мина пет години, но притоа не истакнал причина за отказот.

ВИДЕО: Експлозија на трајлер во Нешвил, повредени луѓе и оштетени згради

Американската полиција ги истражува познаниците на осомничениот во врска со информациите дека Ворнер се плашел од 5Г технологијата, меѓутоа останува непознат мотивот за неговиот бомбашки напад.

ФБИ со првични детали за експлозијата во Нешвил: Компјутерски специјалист го кренал трајлерот во воздух