Силниот ветер југо долж целото хрватско крајбрежје создаде низа проблеми во поморскиот сообраќај, а во прекин се сите катамарански линии на јавното претпријатие „Јадролинија“, јавуваат хрватските медиуми.

Брановите покрај брегот јасно ја покажуваат силата на ветрот, а на отворено море ситуацијата е многу потешка.

Така, во водите околу Сплит се откажани голем број поаѓања од градот и од околните острови. Туристите кои очекуваа сончево и убаво време во текот на велигденската недела, исто така се затечени. „Јутарњи лист“ објави снимка од еден од најголемите траекти на „Јадролинија“, „Марко Поло“, чијшто капетан со многу вештина успеа безбедно да го донесе бродот до Сплит од островот Ластово во екстремни услови.

Ваквата состојба, според метеоролозите, ќе продолжи и во наредните денови, а за викендот се очекува смирување.