ВИДЕО| Хрватска протера државјанка на БиХ поради чести сообраќајни прекршоци
Хрватска протера државјанка на БиХ од Приједор, Дајана Р. (30), со забрана за влез во земјите од ЕУ во траење од три години, поради неодамнешниот инцидент во кој се судрила со возач на трамвај на Кватерниковиот плоштад во Загреб, наведувајќи дека е „опасна за јавниот ред“.
Препорачано
-
1
-
2
-
3
Инцидентот со возачот на трамвајот е предизвикан од непрописно паркирање, а хрватските медиуми, повикувајќи се на полициски извори, објавуваат дека Дијана имала претходни прекршоци не само во Загреб, каде што отворила салон за убавина, туку и во нејзиниот роден град, каде што наводно била уапсена за наркотици.
Загрепската полиција, објавуваат медиумите, наведува дека 30-годишната жена често го повторува извршувањето на прекршоците и затоа претставува „опасност за јавниот ред“.
Одлуката, се додава, следеше по виралното видео од нејзиниот конфликт со возач на трамвај, а претходно, велат тие, таа возела под дејство на алкохол и без возачка дозвола, со брзина поголема од законската граница. Во исто време, велат тие, таа ги игнорирала судските покани.
@zika_1006991
Полицијата вели дека одлуката за протерување и забрана за влез во земјите од ЕУ во траење од три години е донесена во административна постапка поради честото повторување на прекршоците.
„Се преземаат активности со цел насилно отстранување од територијата на Република Хрватска во рокот предвиден со закон“, соопштија од полицијата
Инаку нцидентот се случил во сабота, на 23 август оваа година, кога Дијана го блокирала трамвајскиот сообраќај на Кватерниковиот плоштад со својот бел „Ренџ Ровер“ со загрепски регистарски таблички.
Откако ја преминала полната линија, таа нелегално го паркирала возилото, премногу блиску до шините, со што го спречила преминувањето на трамвајот.
Според сведоците, таа прво била предупредена за непрописното паркирање од случаен минувач, кого, како што тврдат, таа вербално го нападнала и го турнала.
@zika_1006991
Кога 58-годишниот возач на трамвај излегол од возилото за да ѝ објасни дека мора да го помести автомобилот, ситуацијата ескалирала во физичка пресметка.
Видеото од инцидентот се проширило како пожар на социјалните мрежи, а на него можело да се види дека возачот на трамвајот е соборен, додека Дијана се стрчала кон него, мавтајќи со рацете. Сведоците тврдат дека таа го турнала толку силно што тој паднал, а потоа наводно го удрила, јавуваат хрватските медиуми.
