Maкедонската фудбалска репрезентација претрпе пораз од 3:0 против селекцијата на Хрватска.

Хрватска денеска ја оправда фаворитската улога и на свој терен не дозволи изненадувања. Македонија скоро и да немаше некоја посериозна прилика за гол, се што имавме беа некои полушанси, па така останавме без гол.

Резултатот беше отворен по десет минути игра кога Ловро Мајер од слободен удар ја погоди мрежата на Столе Димитриевски. Пред крајот на првото полувреме истиот играч и по вторпат се запиша во листата на стрелци.

Не се промени ситуацијата на теренот многу и во вториот дел. Изгледаше дека Хрватите во секој момент имаат контрола над натпреварот и македонските фудбалери беа далеку од противничкиот гол.

Точка на натпреварот беше ставен во 79. минута кога Пашалиќ по асистенцијата на Будимир ја затресе мрежата.

За седум дена Македонија ја очекува уште еден пријателски натпревар исто така на гостински терен против репрезентацијата на Чешка.