Екстремнодесничарскиот холандски политичар и водач на антимуслиманска група ПЕГИДА, Едвин Вагенсвелд, вчера повторно го осквернави Коранот, јавно кинејќи страници од светата муслиманска книга во Амстердам, пренесе „Ал Џазира“.

Лидерот на ПЕГИДА (Патриотски Европејци против исламизацијата на Западот) на социјалните мрежи сподели снимка од провокативниот чин пред просториите на градот Амстердам. Вагенсвелд во јануари направи сличен потег пред привремената зграда на холандскиот парламент во Хаг додека беше под полициска заштита, но тогаш запали примерок од Коранот, за што денеска покренаа постапка холандските обвинители. Тој повторно го запали Коранот на 13 февруари во Утрехт.

Споменувајќи дека се соочува со истрага за навреда на религиозна група додека го кинеше Куранот, Вагенсвелд вчера рече дека повторното кинење на муслиманската света книга е начинот на кој најдобро може да го изрази своето мислење.

Wat is het beste statement dat je kan maken nadat @Het_OM openbaarde dat ze onderzoek doen naar demo 22.01.23 wegens koran verscheuren? Direct na verhoor uit Scheveningen naar @AmsterdamNL rijden, en daar voor #stopera een koran verscheuren “ik lach erom” ? pic.twitter.com/5l3ZnmEJyz

— EWagensveld ???? VRIJHEID?? (@EWagensveld) April 15, 2023

Во официјалното соопштение на обвинителството се вели дека осомничениот (54), кој живеел во Германија, го искинал Куранот пред холандскиот парламент во Хаг на 22 јануари, притоа кажувајќи работи како што се: „Куранот е фашистичка книга, лоша како (биографијата на Хитлер) „Мајн Камф“, а нејзините следбеници ја следат истата идеологија како Хитлер“.