Холивудскиот актер Харисон Форд (81) ја доби наградата за достигнување во кариерата на Наградите од изборот на критичарите за 2024 година (Critics Choice Awards), а на сцената во солзи ѝ се заблагодари за поддршката на 22 години помладата сопруга Калиста Флокхарт.

„Пред сè, многу сум среќен што сум вечерва овде и можам да сведочам во сè во што се претвора нашиот бизнис и да ги видам сите талентирани луѓе кои добиваат можности, кои веројатно немаше да ги постоел на самиот почеток на мојата кариера. Тука сум благодарение на комбинацијата на среќа и работа со прекрасни сценаристи, режисери и филмаџии. Се чувствувам неверојатно среќен. Среќен сум за оваа чест и многу ја ценам“, изјави актерот кога се качи на сцената.

На сцената пуштија и видео во кое беа прикажани сите негови најголеми филмски успеси. Воодушевената публика аплаудираше, а актерот не можеше да ги сокрие солзите кога ѝ се заблагодари на својата сопруга за поддршката.

„Сакам да ѝ се заблагодарам на мојата прекрасна сопруга Калиста Флокхарт, која ме поддржува кога ми е најпотребно. И ми треба голема поддршка“, беше краток Форд.

Инаку, овој славен пар се венча во 2010 година, а Калиста е трета сопруга на Форд. Тие се запознале на доделувањето на наградите „Златен глобус“ во 2002 година, а заедно имаат еден син Лиам.

Награди од изборот на критичарите 2024: „Опенхајмер“ избран за најдобар филм, Харисон Форд со награда за достигнување во кариерата