ВИДЕО | Хаос во Непал по немирите: Над 50 загинати, повеќе од 13.000 затвореници побегнаа од затворите
Најмалку 51 лице е убиено во Непал оваа недела за време на протестите против забраната на социјалните медиуми во земјата и борбата против корупцијатa, како и за време на немирите што доведоа до пад на владата, изјави денес полициски извор.
Препорачано
„Најмалку 51 лице е убиено оваа недела во немирите, од кои 21 беа демонстранти и тројца полицајци“, изјави портпаролот на полицијата Бинод Јимир за АФП.
„Околу 13.500 затвореници избегаа. Некои беа повторно фатени, 12.533 сè уште се во бегство“, продолжи Јимир.
Jail break bid in Nepal, cops resort to firing. India Today’s @rohit_manas reports from Birgunj, Nepal.#Nepal #Kathmandu #NepalProtest #NepalProtests #ITVideo pic.twitter.com/imuVB3sfv8
— IndiaToday (@IndiaToday) September 10, 2025
Немирите, најсмртоносните во Непал откако монархијата беше укината во 2008 година, започнаа во понеделник кога полицијата отвори оган врз млади демонстранти, убивајќи најмалку 19 лица, според полицијата, а повредени се стотици.
Следниот ден, премиерот К.П. Шарма Оли, кој е на власт од 2024 година, нареди враќање на услугите на Фејсбук, Икс и Јутјуб и вети истрага за полициското насилство. Потоа поднесе оставка.
Во текот на целиот ден во вторникот, млади демонстранти ограбија бројни јавни згради, резиденции на политички лидери и други симболи на моќ во главниот град Катманду.
Парламентот беше запален, како и резиденцијата на премиерот во оставка.
Армијата ја презеде контролата врз главниот град во вторникот вечер, каде што беше воведен строг полициски час.
More than 13,000 inmates reportedly escaped from jails across Nepal’s 77 districts. Several government properties were damaged as prisoners took advantage of the unrest to break free.#Nepal #NepalJail #NepalProtests #NepalPrison pic.twitter.com/oARlJL3Akr
— CNBC-TV18 (@CNBCTV18News) September 11, 2025
Началникот на Генералштабот на вооружените сили, генерал Ашок Раџ Сингдел, исто така започна разговори, главно со претставници на демонстрантите, за назначување привремена влада.
Поранешната претседателка на Врховниот суд, Сушила Карки (73), е кандидатка за премиер, но нејзиното име не е едногласно прифатено меѓу демонстрантите.
Политичките консултации продолжуваат и денеска.
