Грчката кошаркарска репрезентација продолжува со убедливи игри на Евробаскетот. Избраниците на Василис Спанулис денеска убедливо победија против Грузија со резултат 94:53.

Грците имаа сигурна предност против Грузија на полувремето (46:29), благодарение на ефикасната игра на клучните играчи и солидната одбрана.

Нашиот јужен сосед продолжи во ист ритам и во второто полувреме, но овој пат уште поубедливо. По третата четвртина, таа поведе против Грузија со огромни 69:41, со што практично го реши прашањето за победникот. Грузија немаше никакви шанси и изгледаше како тим без самодоверба.

На крајот од уште еден убедлив натпревар, Јанис Адетокумбо беше најефикасен, постигнувајќи 27 поени со осум скока и четири асистенции. Додека во поразениот тим, Сандро Мамукелашвили беше најдобар со 14 поени.

Грција продолжува со 100% напор, со оглед на тоа дека ова беше трета победа во исто толку натпревари, додека Грузија, по фантастичен почеток и победа против бранителот на титулата, доживеа два порази по ред.