ВИДЕО | Горат Измир, Хатај и Адана, над 30 лица уапсени за подметнување пожар
Пожарите беснеат неконтролирано во три провинции во Турција, додека пет села и два округа во Измир се евакуирани, изјави претходно министерот за земјоделство и шумарство Ибрахим Јумакли. Тој нагласи дека „борбата“ со пламените јазици продолжува во Маниса и Хатај, бидејќи силните ветрови предизвикуваат континуирано повторно разгорување.
Препорачано
-
1
-
2
-
3
Реџеп Таип Ердоган, веднаш по состанокот на кабинетот, изјави дека „од 1 јуни се регистрирани 1.516 шумски пожари, од кои 1.507 се ставени под контрола“, подвлекувајќи дека речиси сите се поради подметнување пожар. Како што објави, досега се уапсени 31 лице за подметнување пожар.
▪️Manisa’nın Kula ilçesinde ormanlık alanda yangın çıktı.
▪️Yangının kontrol altına alınması için havadan ve karadan müdahale sürüyor. pic.twitter.com/FzsrNySz0I
— ENSONHABER (@ensonhaber) June 30, 2025
„Се бориме со пожарите со флота од 27 авиони, 105 хеликоптери, 14 беспилотни летала, речиси 6.000 водни возила и возила за итна интервенција, како и 25.000 шумски херои“, рече турскиот претседател, повикувајќи ги граѓаните да покажат максимално внимание на заштитата на шумите во текот на следните два месеци.
Söndürülüyor tekrar başlıyor 3. gün bugün. Rüzgar çok maalesef. Allahım sen yardım et 🥺😔🙏 #akhisaryanıyor #akhisar #yangın pic.twitter.com/n8JJZ6yBQL
— İrem Yazılıtaş (@remkbal1231261) June 30, 2025
Според турската телевизија НТВ, четири пожари во изминатите два дена во Измир се ставени под контрола, но седум фронтови остануваат активни, од кои два се во Кула и Ахметли во Маниса. Пожари беснеат и во Адана.
