ВИДЕО | Голем шумски пожар во Њу Џерси, 3000 жители се евакуирани
Илјадници хектари шума изгореа, а 3.000 луѓе се евакуирани од своите домови поради големиот пожар што избувна во вторникот наутро во округот Оушн, Њу Џерси, САД. Според шумската противпожарна служба на Њу Џерси, пожарот брзо се проширил. Од утрово само 10 отсто се ставени под контрола, додека причините за неговото избивање се предмет на истрага.
Препорачано
Како што јавува Си-ен-ен, засега нема информации за повредени, но повеќе од 1.300 згради се загрозени од пламените јазици.
BREAKING: The Garden State Parkway has been closed in both directions from Exit 80 South to Exit 63 due an ongoing wildfire which began in Barnegat Township, New Jersey.
The fire has so far burned hundreds of acres and is 0% contained. Mandatory evacuations have been issued.… pic.twitter.com/wlTqcB942U
— Shlomo Schorr (@OneJerseySchorr) April 22, 2025
Шефот на полицијата на округот Оушн, Џон Ломбарди, изјави за американската мрежа дека неколку бизниси во индустриски парк во градот Лејси веќе претрпеле штета. Засега се чини дека нема поголеми штети на домовите, но ситуацијата е флуидна, истакна тој.
Густи облаци од чад ја прекриле областа, а локалните власти издадоа предупредување до жителите на округот за влошување на квалитетот на воздухот. Снимките од воздух објавени од локалните медиуми покажуваат згради кои веќе изгореле, додека пожарникарите се борат да ги заштитат преостанатите објекти.
🚨#BREAKING: A major forest fire has broken out in parts of southern New Jersey, prompting evacuations as the blaze threatens nearby homes and buildings
Watch as residents in nearby towns scramble to evacuate while numerous law enforcement and emergency… pic.twitter.com/kOkGUUwRVu
— R A W S A L E R T S (@rawsalerts) April 23, 2025
Повеќе од 26.000 домаќинства останаа без струја во округот Оушн, според PowerOutage.US. Властите исто така затворија дел од Гарден Стејт Парквеј, еден од главните автопати во државата, а беше воспоставено пренасочување на сообраќајот.
Во претходните часови силниот ветер ги отежнуваше напорите за гаснење на пожарите, но временските прогнози укажуваат на пад на нивниот интензитет, а времето се очекува да биде суво во наредните денови.
Massive fire in New Jersey roughly 3,000+ people evacuated with 1,320 structures threatened.
pic.twitter.com/c3Ti1RXe9H— DramaAlert (@DramaAlert) April 23, 2025
Иако пожарите не се толку чести во Њу Џерси како во другите американски сојузни држави, жителите знаат колку може да бидат разорни. Минатиот ноември, пожарот од Џенингс Крик уништи илјадници хектари во Њу Џерси и Њујорк, барајќи координирани напори од две држави за да го изгаснат.
