
ВИДЕО | Голден Стејт со пресврт до победа против Портланд, пораз за Сакраменто
Како што стојат работите последните три дена од основниот дел во НБА сезоната ќе донесат вистинска драма во битката за неколку места кои водат во плеј-офот. Посебно ќе биде интересно од осмата до десеттата позиција на Западот.
Препорачано
Триумфот на Голден Стејт против Портланд и поразот на Сакраменто од Њу Орлеанс придонесоа дури три екипи да го делат осмото место со ист број на бодови. Покрај Голден Стејт и Сакраменто, тука се и Лејкерс и ќе биде неизвесно да се види кој ќе се избори за подобра позиција.
Вориорс славеа на гостински терен против Портланд со 100:92 благодарение на одличната завршница. Домашниот тим водеше со 85:79 некаде кон средината на последниот квартал, но Голден стејт го заврши натпреварот со серија од 21:7 и така дојде до пресврт и победа.
Стеф Кари со 22 поени беше најефикасниот во победничкиот состав, Куминга додаде 19, Вигинс 15. Ејтон на спротивната страна забележа дабл-дабл со 25 поени и 11 скока.
Сакраменто имаше можност скоро да го обезбеди плеј-инот, но не го направи тоа бидејќи изгуби од Њу Орлеанс со 123:135. Во текот на целиот меч Кингс беа во подреде4на положба и во последната четвртина губеа и со 23 поени разлика, на крајот се изборија само за пристоен пораз.
НБА РЕЗУЛТАТИ:
Детроит – Чикаго 105-127
Бостон – Њујорк 109-118
Јута – Хјустон 124-121
Портланд – Голден Стејт 92-100
Сакраменто – Њу Орлеанс 123-135