ВИДЕО | Франција за злато против Аргентина, Мароко испратен во битката за бронза
Франција не дозволи изненадување и вечерва го совлада Мароко со 2:0 за ново финале на Светското првенство.
Препорачано
Не разочара Мароко и вечерва, прикажаа добра игра, но сепак Французите покажаа сигурност и квалитет за да обезбедат финале. До водство стигнаа брзо после само пет минути игра со голот на Тео Ернандез. Секако дека тој брз гол многу ѝја олесни работата на Франција бидејќи „паднаа“ во вода првичните планови на Мароканците.
France 1-0 first 5 minutes ? #MoroccoVsFrance #WorldCup pic.twitter.com/Sg26tYXooq
— Bestofsportshighlights (@Bosshighlights) December 14, 2022
Мароко првата закана ја испрати со удар од далечина на Зијеш, но Французите преку Жиру ја погодија и стативата. Дозволи Франција во продолжение од натпреварот Мароко да има посед на топка, но сепак можеше да се забележи дека Французите ја контролираат играта.
Прашањето на победникот беше решено на десет минути пред крајот кога Коло Муани од редовите на Ајнтрахт Франкфурт постигна гол по ударот на Мбапе за 2:0.
France 2-0
THEY HAVE DOUBLED THE LEAD!!pic.twitter.com/le4B1DQ8h9
— Fast GøaIs (@i6astv) December 14, 2022
Франција во недела од 16:00 часот во големото финале против Аргентина ќе ја брани титулата освоена во Русија, додека Мароко еден ден порано ќе игра за бронза против Хрватска.
