Околу 50 лица се уапсени по синоќешните протести во Њујорк, кога демонстранти подметнаа пожар, плукаа врз полицајците и врз нив фрлаа различни предмети, соопшти њујоршката полиција.

Демонстрантите излегоа на улиците во поддршка на кампањата „Преброј го секој глас”, бидејќи официјални лица во клучните држави ширум САД продолжија да ги бројат гласовите на претседателските избори 2020 година, јави „Фокс њуз”.

Иако на главниот настан во Њујорк ситуацијата беше мирна, полицијата излезе со извештаи за палење и судири со нивните претставници, особено во Гринич Вилиџ.

МАПА ВО ЖИВО: Се бројат гласовите – Трамп останува или Бајден доаѓа

Полицијата соопшти дека за време на протестот запленила неколку потенцијално опасни предмети, вклучувајќи и пиштол за зашеметување, ножеви и огномет.

Calling on election officials to “count every vote,” protesters took to the streets of several U.S. cities on Wednesday.

In New York City, peaceful demonstrations turned into confrontations between police officers and protesters. https://t.co/C2MnDNU5eC pic.twitter.com/zpt0MaIp0b

— The New York Times (@nytimes) November 5, 2020

Оттаму додаваат дека  се уапсени лица кои се обиделе да го преземат протестот и да го направат насилен, фрлајќи смет и јајца. Некои демонстранти биле видени како плукаат врз полицијата.

„Го поддржуваме правото на секој за самоизразување”, напиша полицијата на Њујорк на Твитер. „Но, палењето пожари ги загрозува другите и нема да се толерира”.

Протести се одржаа и низ целата земја, но на нив немаше знаци за некои помасовни немири што многумина загрижија пред изборите.

Извор: МИА

ВИДЕО: Поддржувачи на Трамп, од кои некои вооружени, се собираат пред центрите за броење на гласови

Одговор кој сите го чекаат: Кога ќе го дознаеме победникот на изборите во САД?