ВИДЕО: Фармацевтскиот инспекторат на Косово ги чисти аптеките во Северна Митровица, граѓаните се револтирани
Граѓаните од Северна Митровица се обидуваат да ги спречат инспекторите од Фармацевтскиот инспекторат на Косово да извршат увид. Заради напнатата сутуација полицијата ги придружува инспекторите, пренесуваат косовските медиуми.
Препорачано
Портпаролот на Министерството за здравство, Фаик Хоти, за klankosova.tv го потврди увидот и рече дека за овој случај извештај ќе дадат Инспекторатот и полицијата.
URGENT:
All pharmacies in North Mitrovica just got closed.Kosovo government sent the inspection unit to inspect whether there are "illegal drugs/medicines approved by Serbian Government being distributed".
People gathered to protest.
Video:@KoSSevnews pic.twitter.com/btrq2inrfW
— Lazar Rakic (@lazrakic) November 19, 2020
„Имаше инспекција од фармацевтскиот инспектор поддржана од косовската полиција и косовската царина во аптека во северно Косово. Инспекторатот и полицијата ќе направат извештаи за увидот.
Порталот на српски јазик „Косев“ објави видео од инспекцијата каде се гледаат припадници на косовската полиција како се спротивставуваат на некои граѓани кои се обудуваа да ја попречат акцијата.
Портпаролот на полицијата, Бесим Хоти, за klankosova.tv изјави дека немало физички судир меѓу службените лица и граѓаните.
„Полицијата им помагаше инспекторите за економски криминал и на другите единици кои имаа контрола врз аптека. Имаше собир на претставници на други аптеки во градот, но немаше физички судири.
Граѓаните што протестираат упатија навредливи зборови до дежурните инспектори. Како што пренесува „Косев“ повеќе сопственици на други аптеки ги затвориле објектите пред да пристигнат инспекторите кај нив.
Сопственикот на аптеката во која инспекторите успеаја да влезат, Благоје Савиќ рече дека причината за денешната акција е од политички карактер.
– Регистриран сум и плаќам данок. Тие бараат сите лекови и добра да бидат од Косово, а тоа е невозможно. Нашите здравствени работници и лекари препишуваат други лекови и здравствениот систем на Косово и Србија не е ист. Прво, лекарите треба да се префрлат на нивниот здравствен систем, а дури потоа аптеките – рече Савиќ.
Според сознанијата на Слободен печат на северот на Косово има повеќе диви гранични премини кои се користат за шверц на разни продукти, вклучувајќи и лекови со сомнително потекло.
Оваа инспекција се случува откако Слободен печат почна истрага за лекот „Фавира“ што ја продлолжија новинарите на емисијата Код.
Полицијата конфискуваше голема количина шверцувани лекови во Витина
