Македонската ММА натпреварувачка  Даниела Алексовска забележа импресивна победа уште во првата рунда од дуелот со Молдавката Флочеа Алида, на спектаклот „Армада 14“ што се одржува вечерва во арената „Јане Сандански“ во Скопје.

Во последната минута од воведната рунда, Алексовска успеа да ја фати својата противничка во одличен зафат, од кој Алида немаше излез. Судијата немаше друг избор освен да ја прекине борбата да ја додели победата на македонската претставничка.

Оваа победа е одлична најава за следниот предизвик на Алексовска, која на 27 септември ќе ги брани македонските бои на Светското ММА првенство во Тбилиси.