Фудбалерите на Евертон и Ливерпул одиграа нерешено 2:2 вечерва во преостанатиот натпревар од 15 коло во Премиер лигата.

Евертон поведе во 11 минута преку голот на Бето, а израмни Алексис Мекалистер пет минути подоцна.

Ливерпул поведе во 73 минута преку Мохамед Салах, а домашните стигнаа до реми во 90+8` минута со голот на капитенот Џејмс Тарковски.

Вечерашното дерби на Ливерпул беше последно на Гудисон Парк, бидејќи Евертон ќе се пресели на нов стадион кон крајот на оваа година.

Натпреварот првично требаше да се одржи на 7 декември минатата година, но беше одложен поради неповолните временски услови предизвикани од бурата Дара.

Ливерпул е прв на табелата во Премиер лигата со 57 бодови, додека Евертон е на 15 позиција со 27.