Фудбалерите на Челси денеска го совладаа Ливерпул со 2:1 во дербито на седмото коло од Премиер лига.

Каиседо донесе предност во 14 минута за лондонските „сини,“ а гостите израмнија преку Гакпо во 63 минута на „Стемфорд Бриџ“ во Лондон.

Домашниот тим победи пред своите верни навивачи со голот на новото засилување Естевао во 96 минута од мечот.

Ливерпул повторно загуби натпревар во судиското продолжение, на истиот начин како што победи на почетокот од сезоната.

Избраниците на менаџерот Арне Слот со тоа го забележаа третиот последователен пораз, што не му се случи на Ливерпул во претходните две и пол години, и паднаа на второто место на табелата, еден бод зад лидерот Арсенал, додека Челси е шести со 11 бода.