ВИДЕО | Еквадорските власти заплениja 3 тони дрога, голем удар врз албанската мафија
Еквадорските власти запленија три тони дрога, количина за која велат дека ѝ припаѓала на албанската мафија, која имала врски со колумбиските и мексиканските нарко-картели, како и со банди во земјата, официјално беше објавено вчера во Кито.
Препорачано
Министерството за одбрана ја опиша заплената на количината дрога како „голем удар врз албанската мафија“, по претресот на фарма во југозападниот град Гвајакил, големо пристаниште и центар од витално значење за трговијата со дрога кон американските и европските пазари.
¡GRAN GOLPE A LA MAFIA ALBANESA POR EL BLOQUE DE SEGURIDAD: CERCA DE 3 TONELADAS DE DROGA INCAUTADAS Y 5 APREHENDIDOS EN CHONGÓN!
Firmes en el trabajo de desarticularlos uno a uno.
➡️ Tras un allanamiento ejecutado en un inmueble que operaba bajo la fachada de una hacienda… pic.twitter.com/NLsdA4subu
— Ministerio de Defensa Nacional del Ecuador (@DefensaEc) July 3, 2025
Полициски и воени офицери откриле дрога во кутии со банани, изјави за медиумите началникот на полицијата во Гвајакил, Виктор Ордониес.
За време на операцијата, уапсени се „пет лица за кои постои сомневање дека се поврзани со албанската мафија“, додаде Министерството за одбрана преку Икс.
#ATENCIÓN ||
CINCO APREHENDIDOS, INTEGRANTES DE LA ESTRUCTURA CRIMINAL MAFIA ALBANESA, TRAS UN OPERATIVO CONTRA EL NARCOTRÁFICO EN #GUAYAS
Mediante técnicas investigativas y operativas, nuestras unidades localizaron y allanaron un inmueble (hacienda) en la parroquia Chongón,… pic.twitter.com/G0WFVor9yH
— Policía Ecuador (@PoliciaEcuador) July 3, 2025
Властите во латиноамериканската земја, низ која минува 73% од кокаинот произведен во светот, регистрираа рекордни заплени во 2024 година: тие достигнаа 294 тони, во споредба со 221 во 2023 година.
Во последниве години, Еквадор престана да биде оаза на мир и спокојство помеѓу Колумбија и Перу, двете земји со најголемо производство на кокаин во светот.
Насилството, кое е поврзано пред сè со трговија со дрога, предизвика зголемување на стапката на убиства, од 6 на 100.000 жители во 2018 година на 38/100.000 во 2024 година, откако забележа трагичен рекорд – 47/100.000 – во 2023 година.
