Денес во раните утрински часови, две нови експлозии одекнаа во селото Мајак во Григориополската област во Молдавија јавуваат медиумите.

Според извештаите првата експлозија се случила во 6:40 часот а втората дваесетина минути подоцна околу 7:05 часот каде при експлозијата биле онеспособени двете најмоќни радио антени кои емитуваат руско радио, соопшти Министерството за внатрешни работи на Приднестровје, одметнатата проруска територија во Молдавија, пренесе РИА Новости. Според агенцијата, на местото на настанот се испратени полициски службеници и итната помош.

Во меѓувреме григориополската полиција ја опколи територијата на радио-телевизискиот центар Мајак, а Министерството за одбрана почна да ги испитува сите објекти на ПРТЦ (Приднестровје радио и телевизиски центар). Според првите информации, никој од жителите не е повреден, пренесува Ројтерс.

TV channel TSV reports of an explosion near the radio and television center "Mayak" in #Transnistria. There were no casualties.

All indications are that #Russia is stepping up provocations in the area of occupied Transnistria. pic.twitter.com/LRxKYaC5q3

— NEXTA (@nexta_tv) April 26, 2022

Инаку ПРТЦ е Транснистрискиот радио и телевизиски центар. Ова е еден од 14-те радио преносни центри изградени од страна на поранешниот СССР. Сигналот од ПРТЦ може да се пренесе во САД, Блискиот Исток и Латинска Америка. Радио центарот е изграден кон крајот на 1960-тите а тој ден денеска служи за пренос на радио сигнали.

Ден претходно, според прелиминарните податоци на Министерството за внатрешни работи на непризнатата Приднестарска Молдавска Република, биле испукани неколку истрели кон зградата на Министерството за државна безбедност ПМР во Тираспол од рачен противтенковски фрлач на гранати.

Од одделението објаснија дека од нападот се искршени стаклата на горните катови од зградата, а областа веднаш била опколена од полициски службеници. Во експлозиите нема повредени.