ВИДЕО | Два патнички авиони се судрија на писта на аеродромот во Њујорк
Два патнички авиони на „Делта ерлајнс“ се судрија на патеката за полетување на аеродромот Ла Гвардија во Њујорк вчера вечер, објави Си-би-ес Њуз.
Препорачано
Авиокомпанијата соопшти дека станува збор за „судир при мала брзина“ помеѓу летот 5047 на „Ендевор ер“, кој пристигнал од Шарлот, Северна Каролина, и летот 5155 на „Ендевор“ , кој полетал за Роаноук, Вирџинија. „Ендевор“ е подружница на „Делта“.
Аеродромските власти на Њујорк и Њу Џерси соопштија дека инцидентот се случил кратко пред 22 часот по локално време. Првичните извештаи покажуваат дека крилото на летот 5155 дошло во контакт со трупот на летот 5047.
🇺🇸 | Colisión entre dos aviones de Delta Airlines que se encontraban rodando en el Aeropuerto LaGuardia de Nueva York, provocando el desprendimiento de las alas de una de las aeronaves. pic.twitter.com/xsrkilKcLm
— CHTVHN (@chtvhn) October 2, 2025
Стјуардеса била полесно повредена и ѝ била укажана прва помош на местото на настанот, пред да биде однесена во болница на понатамошен преглед.
На летот 5155 имало 32 лица (28 патници и четири члена на екипажот), додека на летот 5047 имало 61 лице (57 патници и четири члена на екипажот).
Two Delta planes collide at New York’s LaGuardia airport, leaving one without a wing
.
.
.
.
.
.#DeltaPlane #NewYork #WIONUncut pic.twitter.com/VwIpmDy4bV— WION (@WIONews) October 2, 2025
Патниците биле извадени од авионот и транспортирани со автобуси до терминалот. На оние на кои им било потребно, добиле хотелско сместување, додека сите биле прераспределени на нови летови за четврток.
Видеото снимено од продуцент на CBS News кој бил на летот 5047 покажува оштетување на крилото на другиот авион. Во аудио снимка, може да се слушне како пилотот вели преку звучниците: „Изгледа како авион да се судрил со нас“.
🚨 BREAKING: Two Delta Airlines jets have collided on the tarmac at LaGuardia Airport, New York.
Reports indicate that one of the aircraft lost most of its wing in the accident. Details regarding the number of passengers or crew members injured are not yet available, and… pic.twitter.com/BXhIqH1DPo
— Nation Today (@NationToday360) October 2, 2025
Причината за инцидентот останува непозната, додека властите соопштија дека другите операции на аеродромот не се засегнати.
-Нашите тимови на аеродромот Ла Гвардија работат на тоа да обезбедат услуги за нашите патници по судирот на два авиони на Делта Конекшн управувани од Ендевор Ер. Ќе соработуваме со сите надлежни органи за да истражиме што се случило, бидејќи безбедноста на нашите патници и вработени е секогаш наш врвен приоритет. Се извинуваме за евентуалните непријатности – соопшти авиокомпанијата Делта.
