Maнчестер Сити стигна до нова убедлива победа во Премиер лигата откако денес со 1:4 „граѓаните“ го совлада Саутемптон.

Напаѓаа избраниците на Гвардиола од самиот почеток, сепак на гол за водство се чекаше до завршницата на првиот дел кога Ерлинг Халанд дојде до нов гол во најсилната англиска конкуренција.

Џек Грилиш на истекот на еден час игра зголеми на 0:2 и така ја најави победата. Десет минути подоцна повторно во листата на стрелци се запиша Халанд за веќе убедливи 0:3.

Саутемптон преку Мара во 72-та минута го постигна утешниот гол, а само две минути подоца Алварез од пенал ги постави конечните 1:4.

Манчестер Сити со овој триумф се врати на пет бода негатива во однос на лидерот Арсенал, додека Саутемптон остана последен со само 23 бода по 30 натпревари.