На туристи од САД, кои во својот багаж носеле и неексплодирана граната, им било дозволено да се качат во авион, по претресување од страна на безбедносниот персонал, соопшти управата на аеродромот „Бен Гурион” во Тел Авив, пишува „Ерусалим пост”.

Американското семејство предизвикало тревога поради бомбата на главниот израелски аеродром, кога на безбедносните службеници им ја пријавиле неексплодирана граната, пронајдена за време на посетата на Голанската висорамнина и спакувана за враќање, соопштија властите.

Panic travels fast: Chain reaction occurred in the Tel Aviv airport when security called for an evacuation of the area due to an unexploded shell. https://t.co/8bXSC1wRZi

— Carlos Victor Costa (@cavicosta) April 29, 2022

На видеото, што се појави на социјалните мрежи, може да се види како патници во паника бегаат низ аеродромската зграда на „Бен Гурион”.

Според управата на аеродромот, едно лице е хоспитализирано поради повреди, добиени при обид да побегне низ движечката лента за багаж.