Денеска во 21 коло од најсилното фудбалско првенство на Узбекистан, екипата на Согдиана дома со 4:1 го совлада тимот на ОКМК.

Домаќините ја најавија победата во првото полувреме со двата гола на македонскиот интернационалец, 29-годишниот Љупче Дориев во 28 минута и 45+2.

Дориев моментно е најдобар стрелец во шампионатот со 12 голови (ист учинок како и Сергеев И од Пахтакор и Норчаев К. од Насах Карши), а Македонецот има и пет асистенции.

За Согдиана ова беше шеста победа сезонава за моментно деветто место во генералниот пласман.

Во следното коло Дориев и неговите тимски колеги на 21 септември ќе играат на гостински терен против Андијан.