Фото: dorianbabunski/instagram

ВИДЕО | Дориан Бабунски со својот 10. гол го одлучи дербито во Унгарија

Дебрецин благодарение на македонскиот репрезентативец Доријан Бабунски славеше со 1:0 во дерби натпреварот од унгарското првенство.

Моментот на одлука беше во 48-та минута кога македонскиот интернационалец го постигна единствениот гол на натпреварот. Бабунски се најде во одлична прилика и од 5-6 метри не пропушти да реализира.

На противната страна, во редовите на Кишварда младинскиот репрезентативец, Марио Илиевски мечот го започна од клупата и доби шанса во последните 20-тина минути од натпреварот.

За Бабунски ова е 10-ти гол сезонава и секако неговата форма е добра најава пред собирот на репрезентацијата и натпреварот од квалификациите на 23-ти март со Малта, но и пријателскиот со Фарски Острови.

 

 

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот