Екипата на Оклахома успеа да го врати брејкот и изминатата вечер славеше во натпреварот против Далас на гостински терен.

Со овој триумф од 96:100, Оклахома дојде до 2:2 во серијата. Далас имаше водство во најголем дел од натпреварот, меѓутоа Оклахома во завршницата направи пресврт и дојде до посакуваниот триумф.

Најефикасен во нивните редови беше Шеј Гилџус-Александер, додека на спротивната страна не беше доволен трипл-даблот на Лука Дончиќ кој оствари учинок од 18 поени, 12 скока и девет асистенции.

Во вториот натпревар, Бостон дојде пред ново финале на Источната конференција и поведе со 3:1 во серијата против Кливленд. Изминатата вечер тие славеа на гости со 102:109. Џејсон Тејтум беше најефикасниот со 33 поени, додека на спротивната страна Дариус Герланд ја заврши средбата со 30 поени.