Денеска во 11 коло од Премиер лигата Манчестер сити убедливо на стадионот „Етихад“ со 6:1 го совлада Борнмут.

Одлична партија за „граѓаните“ имаше белгискиот интернационалец Жереми Доку кој запиша еден гол и дури четири асистенции.

По првото полувреме Сити водеше со 3:0, гол серијата ја започна Доку во 30 минута, а потоа им асистираше на Силва и Аканџи во 33, односно 37 минута.

Фоден стрелаше во 64 минута за 4:0, асистент беше Доку, гостите намалија преку Синистера (74`), а Доку својата четврта асистенција во 83 минута кога голот беше дело на Силва за 5:1. Конечниот епилог го постави Аке во 88 минута.

Фудбалерите на Пеп Гвардиола се моментно на првото место на табелата со 27 бодови, еден повеќе од Тотенхем на втората позиција кој својот меч ќе го има во понеделник против Челси.

Во другите мечеви: Брентфорд – Вест Хем 3:2, Барнли – Кристал Палас 0:2, Евертон – Брајтон 1:1, Шефилд јунајтед – Вулверхемптон 2:1.