Откако Државниот Музичко Балетски Училишен Центар Илија Николовски-Луј набави клавир во вредност од 55 илјади евра додека подолго време во училиштето не е функционал лифтот кој треба да го користат ученици и вработени со попреченост, се крена многу врева во јавноста за приоритетите и начините на користење на парите во ова училиште.

-Вистината мора да излезе на виделина. Јас сум назначена за в.д директор во јуни 2021 година. Од тогаш до ден денес, заедно со мојот колектив работиме на воспитно-образовниот процес според годишната програма на училиштето. Во Центарот има 250 вработени од кои што 200 наставници се задолжени за наставата на 1.800, а можеби и повеќе, ученици кои ја изведуваат наставата на македонски и на албански јазик, изјави за Утрински брифинг Даница Стојанова, директорка на ДМБУЦ „Илија Николовски-Луј“.

-Откако ме назначија, јас работам тимски, тоа е мојот стил, значи направени се стручни комисии, координативни тела, имаме администрација, педагошка служба, наставнички и училишен совет и сите тие имаат свои задолженија.

-Да се разбереме – директорката не може да набави ништо. Во Центарот си постои стручна комисија за јавни набаавки. Таа е од членови вработени во училиштето – Снежана Проковиќ како претседател, Николина Ефтимова Тодоровска член и Симеон Стефковски кои ја спроведуваат постапката за јавни набавки на пиано, вели Стојанова.

Таа нагласува дека набавката е направена минатата година и во наредните 8 месеци нема никаква реакција за пианото „Петроф“ се до нејзиното кандидирање за директор на ДМБУЦ „Илија Николовски Луј“.

-Пандорината кутија се отвори, целата работа е раскринкана, вели таа.

Целиот разговор погледнете го во видеото: