Нова трагедија ја потресе Кина во последните часови, откако во експлозија во фабрика за производство на пиротехника во јужната покраина Хунан загинаа девет лица, а 26 беа повредени, објавија државните медиуми.

Несреќата се случила во фабриката на „Шанџоу фајрворкс“, во близина на градот Чангде, кратко пред 8:30 часот наутро во понеделник, објави државната новинска агенција Ксинхуа во вторник.

Веднаш беа мобилизирани службите за итни случаи, а на местото на настанот пристигнаа 28 цистерни за вода и две дренажни возила за да помогнат во спасувачките операции.

Пожарникарите се соочија со особено неповолни услови, бидејќи во областа имаше „секундарни опасности“ и зголемен ризик од нови експлозии, што значително им ја отежна работата.

Breaking: Massive Explosion at Shanzhou Fireworks Factory in Hunan, China, Injures Nine and Leaves Two Missing at 8:23 AM on June 16, 2025 pic.twitter.com/q0gaNNnQ8w

— TheIllusionist (@John420_69_420) June 16, 2025

Владата на покраината Хунан веќе формираше специјален истражен комитет за да ја испита причината за експлозијата и да ги повика сите одговорни во согласност со законот.

Трагичниот инцидент се додава на долгиот список на индустриски несреќи што ги истакнуваат тековните проблеми со стандардите за безбедност на работното место во Кина. Само минатиот месец, експлозија во хемиска фабрика во Вејфанг, покраината Шандонг, уби пет лица, а 19 беа повредени. Во април, 22 лица загинаа во пожар во ресторан во северниот кинески град Лиаојанг.