Кога Дејвид Боуви почина во 2016 година, неговиот проштален подарок беше неговиот последен албум, „Blackstar“, обликуван од дијагнозата на рак и прифаќањето на смртта. Сепак, во последните месеци тој започна друг проект, кој во своите белешки го опиша како „мјузикл од 18 век“, објави „Би-би-си“.

Постоењето на мјузиклот „Spectator“ беше непознато дури и за неговите најблиски соработници сè додека белешките не беа откриени во неговата студио во 2016 година. Тие сега се донирани на V&A, заедно со остатокот од неговата архива.

Мјузиклот ја истражува фасцинацијата на Боуви од развојот на уметноста и сатирата во Лондон од 18 век, со приказни за криминални банди и озлогласениот крадец Џек Шеферд.

Доколку беше завршен, мјузиклот ќе ја исполнеше една од доживотните амбиции на Боуви.

„Од самиот почеток, навистина сакав да пишувам за театарот. Претпоставувам дека можев да пишувам само за театарот во мојата дневна соба, но мислам дека намерата отсекогаш беше да имам прилично голема публика“, рече Боуви во интервју за „Би-би-си“ Радио 4 во 2002 година.