Израелската кошаркарска репрезентација денеска изненадувачки ја победи Франција со 82:69 (17:22, 19:14, 19:20, 27:13) во третото коло од Групата Д на Европското првенство во Катовице, Полска.

Се водеше израмнета борба во првите три четвртини меѓу Французите и Израелците, тешка, дефанзивно многу солидна игра, и се чинеше дека таков баланс на сили, како и неизвесноста на резултатот, ќе траат до самиот крај.

Сепак, на почетокот на последната четвртина, Израел направи клучен чекор кон триумфот со серија од 11:0.

Од водство од 59:55 на Французите, Израел поведе со 66:59 и ги одби сите напади на своите ривали до крајот. Последната четвртина заврши со резултат 27:13 во корист на Израел.

Најефикасен играч во израелската репрезентација беше Дани Авдија со 23 поени и осум скока. Јам Мадар, постигна 17 поени, Томер Гинат постигна 14 поени, а Роман Сирокин 12.

На спротивната страна во поразениот состав како прв стрелец се истакна Захари Рисашер со 14 поени, следен од Ели Окобо со 13, додека Џејлен Хоард имаше 12.

Израелците својот следен меч на ЕП ќе го имаат на 2 септември против Белгија, додека Французите ќе се соочат со Полска.