ВИДЕО | „Црна листа“ на Трамп: Забрана за влез во САД за граѓани на 12 земји поради нападот во Колорадо
Доналд Трамп одлучи да им забрани на граѓаните на 12 земји влез во Соединетите Американски Држави за да ја „заштити“ земјата од „странски терористи“, според документ објавен од неговиот персонал во Белата куќа во средата.
Препорачано
Забраната, која ќе стапи на сила во понеделник, 9 јуни, се однесува на Авганистан, Мјанмар, Чад, Демократска Република Конго, Екваторска Гвинеја, Еритреја, Хаити, Иран, Либија, Сомалија, Судан и Јемен.
Во исто време, ќе бидат воведени многу строги ограничувања за влез во земјата на државјани на седум други земји (Бурунди, Куба, Лаос, Сиера Леоне, Того, Туркменистан, Венецуела).
Белата куќа во средата објави забрана за патување за граѓани на 12 земји за да ја „заштити“ земјата од „странски терористи“ по пукањето во Колорадо, изјави американскиот претседател Доналд Трамп.
“We cannot have open migration from any country where we cannot safely and reliably vet and screen… That is why today I am signing a new executive order placing travel restrictions on countries including Yemen, Somalia, Haiti, Libya, and numerous others.” –President Trump pic.twitter.com/ER7nGM4TO2
— The White House (@WhiteHouse) June 4, 2025
Во неделата, египетски државјанин фрли запаливи направи врз луѓето што учествуваа на неделниот марш во град во државата во поддршка на израелските заложници држени во Појасот Газа. Белата куќа соопшти дека наводниот напаѓач бил на територијата на САД „нелегално“.
