Барселона направи неочекуван кикс во третото коло од шпанската Ла Лига, откако ремизираше 1:1 на гостувањето кај Рајо Ваљекано во Мадрид. Натпреварот, наместо по играта, ќе остане запаметен по бројните контроверзии и лошите услови на стадионот.

Прво нешто што го привлече вниманието беше состојбата на тревникот. Шпанските медиуми го нарекоа теренот „мочуриште во срцето на Мадрид“, поради лошо одржуваната подлога со исушени делови покрај аут-линиите и нерамнини кои создаваа сериозни проблеми за играчите на двата тима.

“Just look at the pitch condition of Rayo Vallecano and our boys are forced to play here today. What if a serious long-term injury happens to one of our players? La Liga should be ashamed . pic.twitter.com/5u2hF4Wj6O

— Sandeepey (@hero_sandeepey_) August 31, 2025

Дури и фудбалерот на домаќините, Иси Палазон, јавно го критикуваше теренот и откри зошто дошло до оваа ситуација:

„Теренот беше просечен. Целата недела трениравме на стадионот поради проблеми со нашиот тренинг-центар и тоа се одрази. Беше меко, топката не се движеше како што треба, изгледаше како тревата во мојот двор“, изјави Палазон.

Контроверзниот момент на натпреварот се случи во 40. минута кога судијата Матео Бускетс Ферер досуди пенал за Барселона по падот на Ламин Јамал во шеснаесетникот. Меѓутоа, ситуацијата не можеше да биде проверена со ВАР, бидејќи системот во тој момент не функционираше.

Yamal lost the ball and put his foot front to receive a contact and then go down crying immediately

And then the referee tells the captains that “VAR is not working”

Barca get a penalty and score

Corruption every single week. Only favoring BarceIona. pic.twitter.com/NOhtAcx9fl

— Rk (@RkFutbol) August 31, 2025

Судијата ги информирал екипите уште пред почетокот дека ВАР не е во функција, а подоцна признал дека пеналот не требало да биде досуден.

„Судијата ни призна дека направил грешка. Тоа е чесно, но чувството на беспомошност останува. Кога ќе ви досудат непостоечки пенал, тоа ве прави бесни“, додаде Палазон.

ВАР системот проработел дури во второто полувреме, откако техничките служби го отстраниле дефектот.