Српскиот политичар Чеда Јовановиќ вечерва на „Инстаграм“ објави видео на кое се гледа дека раката му е во гипс, а тој цело време плаче и објаснува што се случило, пренесуваат српските медиуми.

Јовановиќ тврди дека е претепан, но не открива кој го сторил тоа. На снимката објаснува дека и покрај повредата тој е добро, пред да ги спомене своите деца.

– Сè е во ред. Само ми ја скршивте раката, колку малку во споредба со сè што сум подготвен да дадам. За моите Михајло, Ана, Зока и Анѓа“, вели тој низ солзи.

View this post on Instagram

A post shared by Budi Kraken (@budikraken)

Во коментарите, корисниците на „Инстаграм“ му пишуваат различни прашања на политичарот, прашувајќи што всушност се случило, но тој не одговара.

Во изминатите недели, контроверзниот српски политичар постојано објавува видеа со емотивна содржина, што поттикна загриженост кај некои корисници на социјалните мрежи во Србија и апели за психолошка поддршка за Јовановиќ.