Властите во американската метропола Лос Анџелес, во која беснеат пожари поради кои се евакуирани околу 30.000 луѓе, денеска наложија да се употреби булдожер за да се расчисти булевар од автомобили оставени од нивните сопственици кои избегале, јавува „Ен-би-си“.

Булеварот бил полн со возила, што ја отежнувало евакуацијата на жителите од реонот, но и ги спречувало пожарникарите да стигнат до огромните пожари во населбата Пасифик Пелисејдс.

Според американските медиуми, во пожарите, кои започнаа како шумски оган, а потоа се проширија во населбата Пелисејдс, според досегашните податоци загинале двајца луѓе, а десетина се повредени. Целосно се изгорени стотици домови, но и јавни објекти и деловни згради.