Скопскиот концерт е закажан во годината кога се одбележуваат јубилејни 50 години од основањето на легендарните „Бијело дугме“ и на само еден ден по прославата на 74. роденден на Горан Бреговиќ, најголемата рок легенда на балканските простори. Славеничкиот концерт ќе се одржи во спортскиот центар „Јане Сандански“, а интересно е дека вечерта на истата сцена ќе застанат и членовите на „Леб и сол“ токму онака како некогаш. Имено, во далечната 1977 година „Леб и сол“ и „Бијело дугме“ првпат застанале на иста сцена, и тоа во Скопје, но не и последен, зашто следувале уште неколку заеднички дружби ширум целата поранешна држава. Сега, по речиси 47 години следува реприза, но не како тогаш на Градски стадион, туку во СЦ „Јане Сандански“. 60-минутниот настап на „Леб и сол“ ќе биде своевидно патување низ времето и враќање во далечната 1977 година кога членовите чекајќи го миксањето на деби албумот за ПГП РТБ ја добиле понудата да бидат предгрупа на „бандата“ на Бреговиќ.

„Бијело дугме“, пак, е основано во Сараево во 1974 годна со тогашниот вокал Жељко Бебек, тапанарот Ипе Ивандиќ и клавијатуристот Владо Правдиќ. Првиот албум „Кад би био бијело дугме“ им донесе голема популарност поради мешањето на хард рок музиката со балканскиот фолк. Бреговиќ денес живее во Париз и е еден од најпознатите светски музичари. Има настапувано во најпрестижните сали како „Ројал Алберт хол“ и „Карнеги Хол“, а пишува и филмска музика, свет во кој влезе по „Бијело дугме“. Особено впечатливи се неговите соработки со Емир Кустурица.

Влезниците за големиот солистички концерт во Скопје може да се купат преку https://www.kupikartizase.com/ и на сите нивни продажни места, и тоа по цени од 1.200 денари за партерот, 1.800 за фанпитот, сребрените и златните седишта чинат 1.400 и 1.800 денари, додека влезницте за вип делот се 2.500 денари.

Брега лично ве кани на незаборавен концерт на 23 март Ко не полуди, тај није нормалан! | By Купи Карти За СеFacebook

(Комерцијален текст)