
ВИДЕО | Браќата Ефрон го „запалија“ Инстаграм: Зак и Дилан без маици на терен за голф
Холивудскиот актер Зак Ефрон и неговиот помал брат Дилан повторно го освоија вниманието на јавноста. Овојпат, двајцата браќа објавија видео на Инстаграм каде што, без маици, играат голф и позираат на терен покрај езеро.
Препорачано
-
1
-
2
-
3
Снимено на 22 јули, видеото со наслов „Sticks“ (во слободен превод: „стапчиња“) предизвика лавина од реакции кај фановите, кои не останаа рамнодушни на нивната спортска форма.
Во кратката снимка, 37-годишниот Зак прв се појавува пред објективот, замавнува со палка за голф и со самоуверен поглед го покажува своето извајано тело. Следува сцена со неговиот брат Дилан (33), кој седи покрај него во количка за голф, исто така без маица. Потоа, двајцата наизменично играат и се забавуваат на теренот.
Коментарите под објавата се исполнети со восхит и хумор: „Одеднаш сум заинтересиран за голф“, напиша еден обожавател. Друг додаде: „Никогаш не сум мислел дека ќе бидам љубоморен на терен за голф, ама ете нe“. Трет коментар гласеше: „Не бев подготвен за ова“.
Зак и Дилан веќе имаат репутација за споделување фотографии кои брзо стануваат вирални. Во септември минатата година, двајцата предизвикаа сличен ефект со фотографија од заедничко патување со брод, каде што повторно беа без маици.