Фудбалерите на Брајтон го победија Манчестер Јунајтед на свој терен со 1:0 во заостанатиот натпревар од 28-то коло во англиската Премиер лига.

Овој натпревар беше реприза на полуфиналето од ФА Купот. На „Вембли“ пред десетина дена мрежите мируваа и Јунајтед славеше по изведувањето на пенали. Вечерва повторно бевме блиску да не видиме погодоци. Сепак, упорните домаќини славеа со голот на Мекалистер од пенал во деветтата минута од судиското продолжение.

Во првото полувреме голема шанса пропушти Митома за Брајтон, но Де Геа одлично реагираше. На спротивната страна се закани Маркус Рашфорд, потоа и Марсијал.

Најголемите возбудувања следуваа по 90-тата минута. Кога Лук Шо направи пенал, а сигурен реализатор беше Мекалистер.