Фудбалерите на Нотингем форест дојдоа до исклучително важна победа со 2-1 над Вест Хем во 37. коло од Премиер лигата, со што остануваат во игра за пласман во Лигата на шампиони и најавуваат возбудлива завршница на сезоната.

„Шумарите“ рано го отворија резултатот преку Морган Гибс-Вајт во 11. минута, а предноста ја удвои Ентони Еланга на почетокот од второто полувреме. Гостите од Лондон успеаa да намалат преку Џерод Боувен во завршницата на натпреварот, но Нотингем ја сочува минималната предност и запиша три златни бода.

Со оваа победа, тимот на Нотингем останува во трката за една од првите пет позиции кои обезбедуваат место во Лигата на шампионите, а сè ќе се решава во последното коло, кога на домашен терен го пречекуваат Челси. Покрај нив, за место во елитната Лига на шампиони сè уште се борат и Манчестер сити и Астон вила.

Во преостанатите два натпревари кои беа без резултатско значење Лестер го победи Ипсвич со 2-0, а Брентфорд беше подобар со 3-2 од Фулам.