Екипатан а Бостон Селтикс е првиот финалист во НБА лигата откако со убедливи 4:0 во серијата ја елиминираше Индијана во конференциското финале.

Издоминираа Селтикси во серијата и не дозволија Индијана да се понадева дека има шанса за некакво изненадување. Во четвртиот меч славеа победа од 105:102 и така вторпат во последните три сезони ќе се борат за титулата на која чекаат 16 години.

Противникот во големото НБА финале можат да го добијат уште вечерва бидејќи Далас води 3:0 против Минесота.

До победата Бостон стигна благодарение на пресвртот во последната четвртина. На шест минути до крајот имаа негатива од 90:98, но тогаш со една серија од 7:0 во последните минути се вратија и дојдоа до четвртиот триумф кој им обезбеди финале.

Најефикасен одново беше Браун со 29 поени, Тејтум уфрли 26, додавајќи 13 скока и осум асистенции. На спротивната страна Нембхард постигна 24 поени со 10 асистенции, додека Сиакам броеше до 19 додавјќи 10 скока.

Бостон сега го очекува своето 23. Финале во историјата и ќе има можност да стане најтрофеен тим во лигата. Последниот трофеј го освоија во 2008 година.