Интер Мајами славеше убедлива победа во МЛС лигата од 5:0 против Орландо, а најрасположени на натпреварот беа Лионел Меси и Луис Суарез кои постигнаа по два гола.

Тимот на Бекам има одличен старт во сезона и од три меча освои седум бодови и се очекува до крајот да биде еден од главните кандидати за титулата.

Резултатот беше отворен по само четири минути игра кога погоди Суарез, веќе во 11. минута Уругваецот го постигна и вториот гол за 2:0. Тејлор во 29. минута се погрижи за 3:0. Суарез во оваа ситуација беше асистент.

Пред крајот на полувремето Суарез и по третпат ја погоди мрежата, меѓутоа тој погодок му беше поништен поради офсајд. Меси на сцена стапи во второто полувреме кога постигна два погодоци за конечни 5:0, Суарез додаде и уште една асистенција.