Додека во Собранието на РСМ во процедура е ребалансот на буџетот кој треба да понуди мерки и решенија за трошењето на буџетските средства во време на светска криза за горливите економски прашања денес во Утрински брифинг разговаравме со Фатмир Битиќи, вицепремиер за економски прашања.

Во однос на наглото зголемување на цените по завршувањето на мораториумот наложен од Владата за оснвните прехранбени производи, Битиќи вели дека по неговата изјава во јавноста дека се случува неоправдано, вештачко зголемување на цените и откако инспекциите беа пуштени на терен, цените се вратија или стагнираат, па се чини дека помага покажувањето со прст на одреден факт и неморално однесување.

-Во време на криза не можеш да се однесуваш како воен профитер, а знаеме како завршуваат воени профители. Јас не влијаам и не интервенирам на слободниот пазар, но апелирам на моралните вредности на стопанствениците кои треба да ја имаат предвид општата ситуација, – вели Битиќи.