По три натпревари без победа во Ла Лига, Барселона конечно славеше победа на гости кај Мајорка со 5:1.

Во Мајорка, Барселона допатува со лоша серија во која во три натпревари имаа два порази и едно реми, но со враќањето на Ламин Јамал во стартниот состав каталонскиот гигант им се врати на победите.

Уште во 12. минута Торес најдобро се снајде во мешаницата и го отвори резултатот. Пред крајот на првиот дел Мајорка стигна до изедначување преку Муричи, па со по еден гол на двете страни се замина на пауза.

Рафиња во 56. минута со удар од белата точка по пенал направен врз Јамал донесе ново водство, а сите дилеми беа решени со вториот погодок на Рафиња во 74. минута. Јамал во таа ситуација беше во улога на асистент. До крајот на натпреварот Де Јонг и Виктор ги поставија конечните 5:1.