Барселона вечерва и математички ја обезбеди титулата шампион на Шпанија откако на гостински терен го совладаа Еспањол со 4:2.

Со триумфот во градското дерби избраниците на Чави на четири кола пред крајот имаат недостижни 14 бода предност во однос на Реал Мадрид и ја освоија првата шампионска титула по 2019 година.

Барса го започна натпреварот многу мотивирано и заслужено стигна до водство во 11-тата минута кога додавањето од Балде го искористи Роберт Левандовски и ја затресе мрежата. Само девет минути подоцна Балде и самиот се запиша во листата на стрелци.

Се беше решено во 40-тата минута кога Рафиња испрати центар шут од десната страна, а Левандовски го постигна својот втор гол. За 4:0 се погрижи Кунде по одличното додавање од Де Јонг. По еден гол за Еспањол постигнаа Хави Пуадо и Хоселу.

Барселона ја заврши својата задача за оваа сезона во Ла Лига, додека Еспањол е на претпоследното место во Примера со 31 бод и до крајот ги чека тешка битка за опстанок.