Баерн во рамките од второто коло во Лигата на шампионите на домашен терен успеа да ја совлада Барселона со 2:0, а потсетување дека со истиот резултат во истата група „Ц“ претходно Интер славеше на гостувањето кај чешкиот Плзен.

Барса беше подобар противник во првото полувреме, но не успеа да ги искористи своите шанси и да постигне гол.

Баерн ја покажа својата доминација во вториот дел и за четири минути го реши натпреварот. Кимих изведе корнер во 50 минута кога го пронајде Хернандез и стрелаше за 1:0. Само четири минути подоцна на семафорот веќе стоеше 2:0, Сане постигна гол по асистенцијата на Мусиала.

Малку недостасуваше Ливерпул да остане без триумф и во својот втор меч од групата „А“, но херој на „црвените“ беше Матип кој им ги донесе трите бода во 89 минута против Ајакс (2:1).

Претхоно во првото полувреме Салах (17`) се запиша во листата на стрелците за 1:0, а Холанѓаните израмнија преку Кудус (1:1) во 27 минута на стадионот „Енфилд“.

Лига на шампиони, 2. коло

Вторник, резултати:

Плзен – Интер 0:2
Спортинг – Тотенхем 2:0
Баер Леверкузен – Атлетико Мадрид 2:0
Баерн Минхен – Барселона 2:0
Порто – Клуб Бриж 0:4
Ливерпул – Ајакс 2:1
Марсеј – Ајнтрахт Франкфурт 0:1