Австралискиот политичар Боб Катер (80) ја крена тупаницата кон новинар за време на прес-конференција откако новинарот го спомена неговото либанско потекло.

Катер, кој ја свика конференцијата за да ги објасни своите планови да присуствува на Маршот за Австралија, антиимиграциски митинг закажан за овој викенд, одговори на прашање за неговото потекло, објави Би-Би-Си.

Кога еден новинар го спомена либанско потекло на Катер, политичарот одговори:

„Немој да го кажуваш тоа, бидејќи ме иритира, а јас сум ги  удирал луѓето  во уста затоа што ми го спомнувале потеклото “, се заканил австралискиот политичар.